لما تبقى خارج ولابس واسع حبتين ومش ماشى على الموضه لانك حابب كده يقولوا عليك فلالالاح ........ لماتبقى مع صحابك وماتقولش ولا كلمه انجليزى من المصطلاحات المتداوله زى كول بيس يامان وغيرها.... يقولوا عليك بردو فلالالالاح ........ لما تحدداوقاتك على طول ومش سايبها سايبه كده يقولوا عليك مقفول وفلالاح....... لما يبقى مالكش فى الخروج والسهر قوى يقولوا عليك فلالالالالالاح. لما تبقى متمسك بعاداتك وتقاليدك وبيدينك وماشى عليهم صح يقولواعليك نفس الكلمه فلالالالالالالالالاح.
ياااااااااااااه للدراجدى فلاح بقيت شتيمه لا اصحوا وفوقوا انتوا نسيتوا اصلكوا ولا ايه خلاص إتأمركتوا وشيلتوا الموبايل و اللاب توب ونسيتوا انتوا مين لا افتكروا ان اجدادكوا فلاحين وحضارتنا حضاره مصر بتاعت الفراعنه بردو كانوا فيهم كتيييييييير فلاحين يعنى انت تفتتخر انك فلاح وخد الحته دى
انا فلاح واصلى فلاح حفرت القناه بدراعى & وحاربت فى كتوبر وانتصرت على الأفاعى
هديت السور والخط ورفعت علمى واتحررت & وأدى حالي عايش بزرع فى الارض
دلوقتى جيين تتبروا من الفلاح والفلاحه نيستوا عملوا ايه ليكوا زمان بتتبرى من اصلك وتعتبرها سب وشتيمه خلاص إتأمركت وبقيت كول ونسيت انك فلاح وهتفضل فلاح ع طول
انا المصرى فلالالالالالالالالالالالالالالالالالاح انا فلاحه وبعشق نيلها وترابها
هناك تعليقان (2):
بيييييييييييييييييس جدا يا بنتي ..
نيجي للجد بقى ..
طبعا المصري الاصيل هو فعلا الفلاح ومازال هو الاصل .. بالرغم اني طول حياتي في مدينة لكن بحس بالمصرية فعلا في احضان الريف .. تحت الشمس الحارقة واللون الاسمر وعلى راي اللي قال . شمسسهافي سماري
ولله هو الموضوع دة له شقين
الفلاح فعلا هو اصل الانسان المصري ..
و اصل الحضارة المصرية ..
لكن تحولت بفعل الزمن لشتيمة ..
لان الفلاح نفسه الدولة والناس اهملته ..
ومبياخدش حقه في التعليم ولا الصحة ..
دة غير السينما اللي اتريقت علي لهجته ..
وعل طيبته المفرطة .. طيبته ف حد ذاتها
مش سذاجة .. لكنهانقاء وصفاء ..
اللي بيعيش في احضان الريف و طبيعته
بيبقي انقي من الميا ومش واخد خوانة لحاجة ..
إرسال تعليق