ازمه وهتعدى

انا بجد احتارت مابقتش عارفه الناس دول بيحبوا مصر ولا بيكرهوهه يعنى قريت كتاب اسمه مصر دى مش امى دى مرات ابويا وضح فى العيوب بأسلوب كوميدى جامد وكمان قريت مقال بعنوان مابحبش مصر وقريت حاجات كتير بتتكلم عن مصر ومن الاخر بتتكلم عن السلبيات وانه شعبها مابيحبهاش سابها وطفش والى هى عملاه فى شعبها قعدت كده بينى وبنفسي افكر هما ليه مهتمين قوى كده ادام مابيحبوهاش والى انا اعرفه انه اى حد مابيحبش حاجه بيبعد عنها ومابيجبش فى سيرتها ويقول عيبوها ومابحبهاش ليه . سكت كده وقولت من جوه كل الناس الى اتكلموا عن مصر وحش وهم من اهلها اكيد بيحبوها حتى الى كتب وقال مابحبهاش .
طبعا كلكم هتستغربوا ازاى بيحبوها وهى مش عجباهم وقالوا انهم مابيحبهواش عادى خالص العمليه بسيطه جدا انا ليه اهتم انى اكتب العيوب بتاعت مصر وليه اهتم انى اققول مبحبهاش ها فكروا معايا ؟ ها فكرتوا ببساطه انا مش هعمل كده الا اذا كنت عايز اصلح منها بقول عيوبها عشان نحلها بقول للناس الى فوق اصحوا كفايه كده مش عايزن نكره بلدنا. شوفتوا مهتمين بيها اهو. والدليل كل الناس بتتكلم عنها ومافيش حد مابيتكلمش عن مصر عن الماضى والحاضر والمستقبل وركز قوى على المستقبل لانه مجهول وقدامه علامات استفهام كتييييييييير؟؟؟؟؟؟؟؟انتو عارفين كام مواطن مصرى خارج بره البلد 11 مليون يعنى مصر منتشره فى كل العالم ودا عدد مش قليل يعنى احنا الكل فى الكل فهلوه وشغل فى كل مكان وماتنساش الدماغ بتاعتك دى من هنا وانت كلك من مصر من هنا ممكن تكون بلدك ضعيفه دلوقتى واتبريت منها بس لما تبقى قويه هتعمل ابه اكيد هترجع تقول بحبها فبلاش بقى نضحك على بعض ونقول مابنحبهاش هقول لكم حاجه تدل على انه تاريخ مصر بييجى عليه اوقات ويضعف وييجى عليه اوقات ويكون قوى بمعننى تكون دوله قويه ودا على فكره ممكن ياخد مئات السنين مش 25 سنه ضعف يعنى فى عهد محمد على كانت من اقوى الدول احسن اسطول احسن جيش احسن قلاع ومكنش فى زيها وكان قبل محمد على سنين كثيره من الضعف يعنى مصر بتقوى وبتضعف زى اى جسم من الاجسام ممكن يتصاب بمرض ويشفى منه يعنى قشطه بكره تروق وتحلو مصر دى زى الانسان كده الى هو انا وانت اكيد هتمر علينا ايام صعبه واكيد هتمر علينا ايام حلوه لو استسلمنا عند ازمه او مشكله مش هنقدر نكمل حياتنا هو دا بقى الى مصر محتجاه انكوا تكونوا جنبها ومعاها فى ازمتها لحد ماتوقف على رجليها وكل حاجه فى مصر فى ايد الشعب يعنى انا وانت وهم وماتنساش فى الاول والاخر دى مصر اسم دوله او اسم ارض لمه ناس كتير، زيها زى امريكا وفرنسا ومافيش فرق الفرق احنا الى عملناه واحنا الى هنغيره مالوش علاقه بالبلد دا اسمها وبس احنا الى صنعناه بجد نفسي اعيش لحد ماشوفها ام العالم كله مش هستنى صلاح او جمال هستنى من احمد وحسين الى فى حاره فى شارع فى زوقه هما الى هيخلوها احلى ازاى ؟؟؟؟؟؟؟؟؟؟؟؟؟؟؟؟؟ظ مقدرش اققول بس اعرف الحل الى كلنا عارفينه